meaningless daily thoughts

عجبى   عليـك . . عجبى  عليـك   يا زمن
يـا   بو  البدع   يا مبــكى   عينى    دماً
إزاى   أنـا أختـار   لـروحى   طـريـق
وانا   اللى    داخـل   فى الحيـاة  مرغمـاً

دخـل  الـربيع  يضـحـك  لقـانى  حـزين
نـده  الربيـع  على  إسـمى  لم  قلت  مـين
حـط  الـربيع   أزهـاره   جـنبـى   وراح
وإيش   تـعمـل   الأزهـار   للمـيـتـيـن

مرغم  عليـك   يا صـبح  مغصوب يا  ليل
لادخلتهـا   بـرجليا   ولا كــانـلى   ميل
شـايلنى   شـيل   دخلـت   انا  فى  الحياة
وبكـره  ح اخرج  منهـا شـايلنى   شـيل

خـرج   ابن   آدم  م  العدم  قلـت :  يـاه
رجـع   ابن   آدم   للعـدم   قلت  :  يـاه
تـراب  بيحيـا . .  وحى  بيصـير  تراب
الأصـل   هـو  المـوت  والا   الحيـاة ؟

ضـريـح  رخـام  فيـه  السعيـد  انـدفن
وحفـره  فيهـا  شريـد  من غـير   كفـن
مـريت  عليهـم  . .  قلـت  يـا  للعجـب
لاتنين   ريحتهـم   فيهـا  نفـس   العفـن

الدنيـا  صندوق  دنيـا .   دور  بعـد   دور
الدكـة  هـى  .   وهـى  كــل   الديـكور
يمشـى  اللى  شـاف .  ويسيب  لغيره  مكان
كـان عربـجــى  أو  كـان   امبـراطـور

يـومـى  علـى  الله   تنتهـى  وتـغيب
الشـمس  .  وتعـود  تانـى  يوم  لهاليب
زى  الحياة  .  مأسـاه .  ومن  كتـرهـا
بقـى  لا  انتهاءهـا  وابتداءهـا   عجيب

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: